г. Рио-де-Жанейро
Житие и молитвы
Святая мученица Зинаида: иконы, житие и молитвы

Мученица Зинаида

24 октября (11 октября по церковному календарю.)

Святые сёстры Зинаида и Филонила родились в городе Тарсе Киликийской области Малой Азии (ныне Турция). Согласно преданию они приходились родственницами апостола Павла. Видя большие перемены в жизни своего дяди апостола Павла, ранее бывшего большим противником христиан и гонителем церкви Божьей и носившего имя Савл, но после обратившегося ко Христу и ставшего проповедником веры Христовой, юные девы задумались о суете мира сего и наученые святым Павлом, всей душой восхотели Христу единому работати.

 


 

Избрав единое на потребу души своей Зинаида и Филонила наученые и утверждённые в вере Христовой, пошли по городам и сёлам, проповедуя Еванглие и безсребно врачуя всякий недуг и язву в людях. Оставив свою мать и отказавшиь от своего имущества, девы совершали истинно апостольское дело. Имея в сердце своем словеса Давида пророка «се что добро или что красно,но еже жити братии в Купе», Зинаида с сестрою своей решили поселиться в вертепе около города Демитриады1 на севере от Тарса.


 


Там девы проводили равноангельское житие. Зинаида врачевала всевозможные недуги, а Филонилла, предавшись посту и бдениям, совершала великие чудеса. Но Богу угодно было что-бы эти жемчужины не были скрыты от людей, нуждавшихся в их помощи и служении. Ища исцеления всё больше и больше людей приходило к пещере святых дев. Исцеляя безмездно болезни телесные,святые сёстры лечили и душевные язвы в людях, наставляя их в Христианской вере. Видя столь великую благодать в девах христиане укреплялись,а многие язычники обретали веру в Христа и крестились.

Не известно, как долго святые Зинаида и Филонила так подвизались в Демитриаде .Но окрест живущие язычники озлобились, так как в результате проповеди и чудес совершаемых девами их идольские капища опустевали и бесам поклонение умалялось. Уговоры и угрозы язычников не имели никакого влияния на святых дев и тогда осверепев они ночью вошли в вертеп и тела их каменьями до успения смертного побиша, души их в селения райския вселишася.Так приняли мученическую смерть святые девы Зинаида и Филонила. Святым мученицам Зинаиде и Филониле молятся об исцелении всякой немощи душевной и телесной.


 

СЛУЖБА СВВ. МУЧЕНИЦАМ ЗИНАИДЕ И ФИЛОНИЛЛЕ
(ихже память творим Октября в 11/24-й день)

НА ВЕЛ. ВЕЧЕРНЕ
Господи воззвах, Стихиры гл. 8-й Подобен «О, Преславнаго чудесе».
О, торжества чуднаго + о, памяти священыя + божественная бо и ревности по Бозе исполненная + вкупе во обители райския приемлются + свыше Бог во Царствие Свое призывает + долу - же исцлеления приимшии благословляют + ангели провождают с веселием + мы же умильно зовем + помяните нас, преславныя, у престола Вседержителева.

О, сна блаженнаго + от негоже в живот вечный возбудистеся + мученицы Христовы крепкия + незлобивыя агницы + Краеугольнаго бо ради Камене - Христа - камением побиени бывшия + и Стефанов венец пресветлый улучивша + ныне, зрением славы немеркнущия наслаждающися + помяните нас мученицы + у престола Вседержителева.
О, руце благословенныя + о, персты изящнейшия + благодать истощающия + исцеления подающия + и нам милостивно простирайтесь + люте бо недугуем, душею и телом немощствующе + обаче непрестанно зовем + помяните нас мученицы + у престола Вседержителева.

СЛАВА Гл. 6-ы Подобен «Всю отложивше».
Сердцем горящим + о людех милосердствующи + Зинаидо славная + божественную благодать призывающи + руце твоя на врачевание простерла еси + всяку язю и всяк недуг туне целящи + душевныя же раны любве елеем помазующи + темже и нас, страстоносице, исцели в разбойники впадшия + и стрелы вражиими изъязвленныя + дерзновение бо имаши велие + ко Спасу душ наших.

НА СТИХОВНЕ, СЛАВА гл. 4-й
Павла превеликаго и языков апостола южнико + и Луки врача возлюб¬леннаго подражательнице + Иоанна же Богословов начальника и к Богу и Спасу люблением теплейшаго последовательнице + +3инаидо божественная + яко ученица Спасова усердная + со ученики Того ныне водворяешися + с нимиже моли спастися душам нашим.


НА УТРЕНИ
Тропарь, глас 4
Агница Твоя, Иисусе Зинаида зовет велиим гласом: Тебе, Женише мой, люблю, и Тебе ищущи страдальчествую, и сраспинаюся и спогребаюся крещению Твоему, и стражду Тебе ради, яко да царствую в Тебе и умираю за Тя, да и живу с Тобою: но яко жертву непорочную приими мя с любовию пожершуюся Тебе. Тоя молитвами, яко Милостив, спаси души наша.

Величание
Величаем Тя святая мученице Зинаидо, и чтим честная страдания твоя, яже за Христа, претерпела еси.

КАНОН Глас 8-й
Егоже краегранесие: «УВРАЧУЙ НАС БОЖЕСТВЕННОЮ БЛАГОДАТИЮ».
ПЕСНЬ 1-Я
ИРМОС: «Поим Господеви, + проведшему люди Своя + сквозе Чермное море + яко един славно прославися».

Уврачуй наша страсти, о, Зинаидо мученице, + елеем молитв твоих нас помазующи + яко да исцеление приемше + Бога, Емуже служиши, прославим.

Врачует вся божественною благ'одатию Зинаида + и ревнует о слав'е Божией Филонилла вкупе добре страдальчествовавши.

Рождие благоплодное Лозы Истинныя, Христа Спаса + Того силою великая и славная сотворивша + ныне вертоград небесный украшаете + Богу вас славно прославившу.

Анны и Иоакима честным гробом поклонимся Честнейшую Херувим породивших + и тыя молости усердно не престанем + да сподобят нас сладкоуханному месту успения Пречистыя поклонитися .

ПЕСНЬ 3-Я

ИРМОС: Ты еси утверждение притекающих к Тебе, Господи, Ты еси Свет омраченных и поет Тя дух мой».

Человеколюбствуеши, о, Зинаидо, врачуеши люди како убо от человек камением побиваешися Человеколюбца за мир пострадавшаго подражающи.

Утро Богопознания душам омраченным проповедающи и трисолнечный свет православия возвещающи веру твою живую делы милосердия явила еси, Зинаидо славная.

Истину Христа обрекша, и во след Того потекша, мученицы, многия в вере Христове утвердили есте, страстоносицы мнозем же и недуги отъяли есте именем Христовым.

Не удержа гроб Твое нетленное тело, Пречистая, но того пребыванием тридневным во веки освятися к немуже припадающе страхом и любовию Тебе, во успении Твоем нас не оставляющую, призываем.

С'ЕДАЛЕН Гл. 7-й

Болен и в темнице бех и не послужисте Ми, + речет Судия Христос ко грешником, ты же, о, Зинаидо, Спасу во образе страждущих и боленующих сторично послужившая укорения вместо услышиши Того светлый глас: прииди бла¬гословенная Отца Моего, наследуй Царство прежде сложения мира уготованное в немже имаши вечно веселитися.

ПЕСНЬ 4-Я

ИРМОС: Услышах, Господи, смотрения Твоего таинство разумех дела Твоя и прославих Твое Божество.

Адова врата, на Церковь Христову воюющая со инеми страстотерпцы многими + победила еси, Зинаидо + кровей твоих токи проливши мирский недуг зловерия исцеляющи.

Сердце имущи, славная + любовию божественною кипящее от того благодатныя капли нам источи хладныя сердца наша твоею теплотой согревающи.»

Болящия и недужныя паче иных любовию твоею взыскала еси, мученице и тем послужила еси усердно всяку страсть и всяку язю исцелити тщащися сослужащу ти имущи Филониллу святую.

О, Дево таинственная + пророки предвозвещенная +како лобызати дерзаем место тело Твое нетленно приявшее како камени на немже возлежаше прикасаемся умиления слезы точаще.

ПЕСНЬ 5-Я

ИРМОС: Вскую мя отринул еси от лица 'Твоего Свете незаходимый и покрыла мя есть чуждая тьма окаяннаго но обрати мя +и к свету заповедей Т'воих пути моя направи молюся.

Живот и здравие телесное дар Божий разсмотряющи тое людем соблюсти и возвратити тщалася еси, недуги целящи и страсти отгоняющи искусным врачеванием паче же и молитвами твоими.

Еда чим вам стужих, о, людие, Зинаида горько взываше+ не недужныя ли ваша исцелих не сущия ли в скорбех утеших почто мя на смерть гоните но воля Господня да совершится.

Стефана славнаго и мученик началовождя подражающи камением побиваема паче же каменосердием человеков уязвляема ко иже за нас Пострадавшему взывала еси, Зинадидо: Господи, прости им не ведят бо что содевают.

Тепл'е возлюбихом селение Твое тридневное, Богородице и сладкоуханнаго Твоего тела пребывание, пещеру Тя сокрывшую Небесная же врата отверзшую и храм Твой, егоже паче всякия иныя церкви присещаеши в немже и нас сподоби Тебе поклонитися.
ПЕСНЬ 6-Я
ИРМОС: Очисти мя, Спасе, многа бо беззакония моя + и из глубины зол возведи, молюся, к Тебе бо возопих и услыша мя Боже спасения моего.

Виждь язвы наша неисцеленныя раны и струпы душ наших угаси огневицу страстей изгони духа немощи о, Зинаидо, тбоим врачеванием и ходатайствы твоими к Богу тобою' действующему чудеса.

Елея милости цельбоносныя капли подаждь нам, о, мученице и целельбоносице обвяжи раны, прохлади язык, коснися благодатною рукою здравие именем Христовым нам подающи.

Не недужнии ли нужду имуть во врачевании, + не грешнии ли милости требуют не мимоиди убо нас, целительнице божественная, но простри нам руце твои из глубины нас зол возводящи.

Небо в недрех земных сретаем в пещеру Гефсиманскую сходящее и благодать возблагодать почерпаем от источника мироуханнаго гроба Твоего, Богомати в немже тридневнова пречистое Тело Твое.

КОНДАК гл. 2-й

Стефана, перваго страдальцев, подражательницы и врачей безмездных сопричастницы, Краеугольнаго Камене Христа ради камением побиени от каменосердых язык гоними дерзновение же стяжавша ко Святей Троице страждцщим челоловеком недуги отгоняете молите, мученицы, милостиваго Бога спастися нам, чтущим ваша страдания верно.


ИКОС

Люди слышавши глаголющия: врачу, исцелися сам, потщалася еси своя страсти первее уврачевати, о, Зинаидо, и всяку заповедь Господню соблюсти последи же Христа Спаса Живот и Свет миру проповедати, духом же и телом страждущия исцеляти, темже яко сотворившая и научившая велия нареклася еси во Царствии Божием в немже со Филониллою славною, тебе сподвизавшеюся, вкупе утешаешися. С тою убо молися спастися ним, чтущим ваша  
Страдания

Акафист святой мученице Зинаиде

Кондак 1
Избранней Невесте Христовой Зинаиде от любве сердечныя исходящее сие акафистное сплетенное пение, яко много могущей своими праведными мученическими к Богу молитвами споспешествовати нашему спасению и от всяких бед избавити к ней притекающих, сего ради согласно зовем вси: Радуйся, святая мученице Зинаидо, молитвеннице о почитающих тя.

Икос 1
Ангелообразно в мире поживши всеблаженная страстотерпице Зинаидо, ангельский лик на небеси восполнила еси. Но воспевая ныне со ангелы и священных дев мучениц ликом песнь Триединому Богу, не забуди и верно нас земнородных сродних твоих в день страсти твоея воспевающих сице: Радуйся, избранная угоднице Божия; Радуйся, верная раба Господа Твоего; Радуйся, агнице, Агнцу Христу, последовавшая; Радуйся, Невесто Христова прекрасная; Радуйся, чистотою девства просиявшая; Радуйся, мучений кровьми украсившая. Радуйся, святая мученице Зинаидо, молитвеннице о почитающих тя.
Кондак 2
Видяще святая Зинаидо с сестрою твоею Филониллою житие и труды сродника твоего пресветлаго Павла, прежде церковь Божию гонившаго, последи же по премногу великими апостольскими подвиги ю разширившаго и украсившаго и сами восхотесте всею душею Христу работати: тем же от идол бездушных отвращении и вере Христовой святым Павлом научении возопили Богу: Аллилуиа.

Икос 2
Разум Богопросвещен приявши премудрая Зинаидо, уразумела еси суету мира сего и избрала еси едино души твоей потребно еже благоугодити Богу, темже с Филониллою сродницей по плоти и духу себе, стяжаний матере своея отвергшися и апостолом подражающи Христа проповедовала еси. Обращении же тобою к вере истинней, возопиша к тебе таковая: Радуйся, мудрая дева, мира отвергшаяся, да Христа приобрящеши; Радуйся, мудрая дева, родительницу оставльшая да к Богу Отцу Небесному, приближишися. Радуйся великаго Павла ученица пресветлая; Радуйся, духом Евангелия от языков апостола упоенная. Радуйся, от Тарса изшедшая и апостольский путь прошедшая; Радуйся, Царство Небесное людем благовестившая. Радуйся, святая мученице Зинаидо, молитвеннице о почитающих тя.

Кондак 3
Силою благодати Христовы одеявшися преславная Зинаидо, навыкла еси силе и художеству врачебному и Самому Господу, яко верная проходила еси вси грады проповедающи Евангелие и безсребренно врачующи всякий недуг и всяку язву в людех. Исцели убо и наши недуги душевные и телесные, святая дева, данною тебе благодатию, да выну вопием о тебе Богу: Аллилуиа.

Икос 3
Имуща в сердце и помышлении своем словеса Давида пророка «се что добро или что красно, но еже жити братии в купе». Во граде Деметриадский святии сестренницы Зинаидо и Филонилло достигшаго и в вертеп некий вшедше,тамо житие равноангельское провождаху не престающи ова недуг людей врачевати, ова же в подвизех и чудесех святи, обоя в купе Господа в душах и телесех прославляти и проповедати,
таковому убо дивному житию вашему чудящеся зовем: Радуйся, Зинаидо Его ученица, подобящися безсребнице предивная; Радуйся, многия и лютыя болезни человеком отгнавшая. Радуйся, с Филониллою долгому бдению и пощению себе вдавшая. Радуйся, чудна знамения совершившая. Радуйтеся, в купе Давидски добро и красно течение скончавши. Радуйтеся, сестры по плоти сестрам по духу себе явивши. Радуйся, святая мученице Зинаидо, молитвеннице о почитающих тя.

Кондак 4
Бурею злобы и зависти бесовския дышуще на вас, блаженные сестры, окрест живущия языцы, яко умалися вами суетное их идолом, паче же бесом поклонение, ради проповеди вашея чудес и знамений, неистовством воспылаша на вас, убити от отца лжи вас поучашеся во мраце
скверны своея, не ведуще пети Богу: Аллилуиа.

Икос 4
Слышавше премногую твою добродетель, блаженная Зинаидо, люди благоразумныя отовсюду устремляхуся к тебе, с верою во врачующую благодать в тебе сущую и приемлюще скорая исцеления, прославляху Бога и тебе целительницу и угодницу Его величаху пении сими: Радуйся, помазанная миром благодати; Радуйся, Божественных даров приятелище; Радуйся, милостей Господних источниче; Радуйся, скорая помощнице страждущих; Радуйся, наставнице заблуждающих; Радуйся, благочестивых изрядная славо. Радуйся, озлобляемых твердая стено. Радуйся, святая мученице Зинаидо, молитвеннице о почитающих тя.

Кондак 5
Боготечней звезде была еси подобна, прехвальная, во граде Деметриаде, страны светом дел твоих освящающая, слово благовестия знаменьми утверждающи, всех научающая Истинному Солнцу Правды Христу Богу пети: Аллилуиа.

Икос 5
Видевше твое великое к болящим телом и душею людем сострадание, к тебе притекающим светлейшая Зинаида, озари убо от горних высот светом твоего врачевания и наша недугующая телеса и грехом потемненныя души, да воставше и исправившеся тобою радостно вопием ти: Радуйся, мироварнице на вся недуги врачевания источающая. Радуйся, врачебнице быстрая и милосердная. Радуйся, сострадательнейшая человеком благодетельнице; Радуйся, язв телесных и скорбей душевных наших посетительнице. Радуйся, требующих заступления твоего не отвращающая; Радуйся, выну о нас пред Богом ходатайствующая. Радуйся, святая мученице Зинаидо, молитвеннице о почитающих тя.

Кондак 6
Проповедником духовным апостолом истинно сравнилася еси всехвальная дева и к тебе бо словеса Владычная преложившася, егда рече своим учеником: «Шедше проповедуйте, яко приближися Царствие Божие, болящия исцеляйте, прокаженныя очищайте туне приясте, туне дадите». Вси люди научающе верно Богу пети: Аллилуиа.

Икос 6
Возсия миру свет истины Евангельския и ожесточися и
очистися в безсилии своем прогоняемая им тьма прелести бесовския: не терпя бо своего поражения, лукавый змий тела мучеников яростно сокрушает, но тем паче душам их ко Христу скорее прейти возмогает. И зде убо духом злобы научении языцы безумнии приведши нощию, яко сынове тьмы сущии в вертеп святых дев Зинаиды и Филониллы, тела их каменьми до успения смертнаго побиша, их же душ в селения райския среташе, чини ангельстии возопиша сицевая: Радуйтеся, святии мученицы добре страдальчествовавши и ныне венчающиеся. Радуйтеся, лики безплотных и мученик число предопределенное восполняющии. Радуйтеся, Стефану первострадальцу образом кончины подобныя; Радуйтеся Фекле, жен начальнице нравов жития равныя. Радуйтеся, телесы убиении, души же ваша в руце Божии и муки их не прикосневся; Радуйтеся, сынами тьмы во тме нощней посечении, но светло и ясно память ваша на земли славится вкупе с Филониллою. Радуйся, святая мученице Зинаидо, молитвеннице о почитающих тя.

Кондак 7
Хотящи Господу благоугодити оставила еси дом родительский и в вертеп вселилася еси, в вертепе же ради Рожденнаго: и тамо заповеди Его сотворивши и иных научивши, даже до смерти мученической верна была еси с другинею твоею Ему, страдалице Зинаидо, темже за сие венец правды ныне приявши, поеши Тому вечно на небеси: Аллилуиа.

Икос 7
«Новую заповедь даю вам, да любите друг друга, – рече Господь ко избранным Его – больше бо сея любви никтоже имать, да кто душу свою положит за други своя». Сея заповеди верную исполнительницу видим тя Богоизбранная мученице Зинаидо, любовь велию к Богу и ближнему своему в житии явившую, и душу свою за други, паче же за Христа яко друга и жениха своего положившую. Сего ради и мы с любовию днесь вопием ти: Радуйся, любвеобильная страдалице, милосердием к человеком преисполненная: Радуйся, дивная страстотерпице ближнего своего, яко сама себе возлюбившая. Радуйся верная ученице Христова, заповеди Его прекрасно соблюдшая: Радуйся, за Христа и добрая дела твоя от злодеев каменьми побиенная. Радуйся, сими каменьми, ко краеугольному камню – Христу, любовию приобщившаяся. Радуйся, яко голубице чистая, душею к Чистейшему скоро воспарившая. Радуйся, святая мученице Зинаидо, молитвеннице о почитающих тя.

Кондак 8
Странное и преславное чудо видим на тебе добрая мученице Зинаида, тебе бо от любви Божией, яко же твой сродник Павел – ничтоже разлучити возмогло есть: ни скорбь, ни теснота, ни гонение, ни глад, ни нагота, ни беда, ни меч каменный, никакая тварь, ни живот, ни смерть разлучи. Ты душею к Богу в райския селения возлетевши, паче с Ним соединилася еси, но и от человек по смерти не разлучалася еси, приклоняющи милостиво ухо ко всем тебе верою призывающим и помогающи всем чтущим память твою, Богу же вопиюще: Аллилуиа.

Икос 8
Весь еси делание и желаний краю, весь еси сладость моя – Сладчайший Иисусе – тако взывала еси мученице Зинаидо в молитвах своих ко Господу, всею душею и сердцем к Тому горевшая, егда нечестивии человецы каменьми метаху на тя, и горькое убиение свое сим весьма усладивши и к Богу возшедши, услади и наша скорби, блаженная дево, да сладостно зовем ти: Радуйся, святая горце Сладчайшаго возлюбившая: Радуйся, славная, во Иисусову сладость горесть земную обратившая. Радуйся, язвы Господа твоего на теле твоем понесшая: Радуйся, ангельски тому послужившая: Радуйся, злобы неверных не устрашившаяся: Радуйся, верных сердца возвеселившая. Радуйся, святая мученице Зинаидо, молитвеннице о почитающих тя.

Кондак 9
Всякое естество удивися Зинаидо, сиянию в тебе благодати и богатству добродетелей: ангелоподобной чистоте твоей, мужеству в скорбех и страданиях. В немощнем женском телеси проявленному, крепкой любви ко Христу и многому состраданию к людем, в них творила еси преславная во еже пети: Аллилуиа.

Икос 9
Ветии многовещанные не возмогут по достоянию восписати подвиги твоя, добропобедная мученице, како непобедимою Божиею благодатию, юная дева сущи победила еси древняго исконнаго врага и посрамила еси идольскую прелесть, множество душ ко Христу приведши. Мы же удивления исполнении, в немощи витийства нашего смиренно взываем ти: Радуйся, ангелов
радостное зрелище и человеков благоговейное удивление: Радуйся, демонов горькое рыдание и служителей их безсильное ожесточение. Радуйся, кровь за Христа пролившая: Радуйся, тело за Него к мученической кончине предавшая. Радуйся, с великим Павлом твоим течение совершившая и веру соблюдшая. Радуйся, во дворех перворожденных на небеси вселившаяся. Радуйся, святая мученице Зинаидо, молитвеннице о почитающих тя.

Кондак 10
Спаситель и Господь, многажды утешая други своя вещаше Сам пречестными усты своими: «Поминайте слово еже аз рех вам. Несть раб болий Господа своего, аще мене изгнаша и вас ижденут; аще слово Мое соблюдаша и ваша соблюдут». Сия вся сбывшаяся видим на тебе святая Зинаида, тебе бо верную рабу Господню еще и погнаша помнози неверии во образ Господа твоего, но кольми паче мнози от человек твое слово соблюдоша! С ними и мы о тебе вопием Спасу: Аллилуиа.

Икос 10
Царю и Богу своему яко жертва благоприятная принеслася еси, богомудрая страстотерпице, темже со Христом в небесной сени пребывающи, и нас пред престолом Его не забуди, зовущих ти сице: Радуйся, с радостью понесшая за Христа поругание: Радуйся, праведное приявшая по трудех твоих от Него воздаяние. Радуйся, агнице кроткая от лютых воинов телом растерзанная: Радуйся, ластовице быстрая от духов злобы поднебесных на мытарствах душею не удержанная. Радуйся, в радость Господа твоего скоро вшедшая: Радуйся, и наша прошения к нему возносящая. Радуйся, святая мученице Зинаидо, молитвеннице о почитающих тя.

Кондак 11
Пение сие акафистное, вемы яко много не довлеет ко истинному похвалению твоих добродетелей святая мученице, обаче елико мощно может помощи твоя праведная молитва нам недостойным и за сия малыя песнопения аще токмо от чистаго сердца тыя вознесем и с любовию о тебе возопием Богу: Аллилуиа

Икос 11
Светозарнаго дне всеобщаго мертвых воскресения и страшнаго суда Божия чающе ужасаемся лютых наших деяний и безмерных грехов, имиже ежечасно прогневляем Создателя и Спаса нашего. Но имеюще тебе, блаженная предстательнице за нас пред Господем, яко мудрую Евангельскую Деву, жениха в полунощи светло сретившую, надеемся и нам дверей чертога небеснаго не затворится твоими молитвами зовущих ти таковая: Радуйся, дево, премудрая со светильником горящим полным елея добрых дел ко Христу исшедшая: Радуйся, на брак агнчий со избранными радостно и победоносно во светлой одежде вшедшая. Радуйся, пред престолом Агнца закланнаго с душами убиенных за Слово Его, песнь возносящая: Радуйся, на престоле Славы судити хотящаго, о мире умоляющая. Радуйся, наипаче о множестве тезоименитых твоих на земли живущих, спасения пред Богом споручнице: Радуйся, и в вере усопших тезоименитых своих, грехов прощения и райских дверей отверзения молебнице. Радуйся, святая мученице Зинаидо, молитвеннице о почитающих тя.

Кондак 12
Благодать от Бога дата ти бысть еще в жизни временной, преблаженная, врачевати душевныя и телесныя болезни к тебе притекающих, веруем убо яко в жизни вечной и блаженной у Бога, прославльшаго тя и к себе приблизившаго наипаче сих дарований преисполнена еси, и можеши помощи всякому человеку во всяцей скорби и болезни с верою к тебе прибегающему и Богу православно в теплоте сердца возопившему: Аллилуиа.

Икос 12
Поюще твоя апостолом равныя труды, подвижническое житие и страдальческую кончину, приснославная Зинаидо, молим тя простри твою с небеси помощь на
нас, живущих во тьме страстей и искушений и твоим пред Богом дерзновением скоро воздвигни от одра немощи души и тела вопиющих ти: Радуйся, с Мариею, Еленою, Ниною, Ольгою и иными, яко их подвигом по силе твоей уподобившаяся славимая; Радуйся, с мученицами девами Феклою, Варварою, Екатериною, Анастасиею и сестрою Филониллою и прочими во светлом лике торжествующая. Радуйся, с преподобных дев Пелагиею, Феврониею, Мариею и иных чины, яко отшельнице ликовствующая; Радуйся, с Космою, Дамианом и Пантелеимоном и всеми целители, яко безсребнице прославляемая. Радуйся, со Ангелы и всеми святыми в торжестве церкви небесней пребывающая. Радуйся, и нас грешных от единства церкви земныя не отпадающих не забывающая. Радуйся, святая мученице Зинаидо, молитвеннице о почитающих тя.

Кондак 13
О, преславная страстотерпице Христова Зинаидо, кроткая Его угодница и всегдашняя о нас к Нему молебнице. С верою, надеждою и любовию ко твоему предстательству пред Богом по Богородице нас притекающих приими и от всяких болезней, бед и смерти умоли, да с тобою взываем Богу: Аллилуиа.

(Этот кондак читается трижды, затем икос 1 и кондак 1)

ПЕСНЬ 7-Я

ИРМОС: В начале землю основавый и небеса словам утвердивый благословен еси во веки Боже отец наших.

Обычная есть женскаго бисеры и камением честным украшатися ты же о,Зинаидо, единый бисер многоценный обретши, Христа, вся презрела еси, воспевающи: благословен еси во веки, Боже отец наших.

Южика языков апостола и Лука врача возлюбленнаго подражательница со апостолы зовеши, мученице: благословен еси во веки, Боже отец наших. наших.

Безмездник святых личе цельбоносный Косьм/о и Дамиане, Кире и Иоанне и Пантелеимоне милостивейший душ и телес врача, Зинаиду, ц'елуйте о ней возопийте: благословен еси во веки, Боже отец наших.

Любве божественныя огнь в сердцах наших пламенеющий устне наша подвизает вопити благосло¬венна еси во веки, Мати Бога отец наших.

ПЕСНЬ 8-Я

ИРМОС: Царя Небеснаго 'Егоже поют вои ангельстии + хвалите и превозносите во вся веки.

Ангели вас, мученицы, в сожительство прияша от человек безумно убиенных темже со бесплотными Бога востеваете во веки.

Горькую смерть на земли приясте, Зинаидо и Филонило, обаче на Небеси ныне божественныя радости причастистеся еяже наслаждатися нмате во веки.

Отре Бог всяку слезу от очию вашею, страстотерпицы, темже и человеком страждущим слезы осушаете да Бога прославляют во веки.

Доме Богородичен, радуйся + Небес Ширшую вместивый Юже превозносим во вся веки.

ПЕСНЬ 9-Я

ИРМОС: Воистину Богородицу Тя исповедуем спасении Тобою, Дево Чистая, с бесплотными лики Тя величающе.

Аще и преставилася еси от земных к небесным обаче о людех присно милосердствующи врачевати страждущия не престаеши, о, Зинаидо, + любовию тя величающия.

Тепле твою память совершаем, Зинаидо славная и страдания твоя честная почитаем врачевания туне подаемыя прославляем со спострадавшею ти Филониллою тя величающе.

Иерусалима горняго обитательницы славныя на земли сущих присно посещаете исцелений дары благодатныя требующим подающя темже вас зседу'шно величаем.

Юже избрала еси Себе тридневное обиталище святую Гефсиманскую весь соблюдай, Богородице, от огня, труса и потопа и всякия беды яко да в ней Тебе, Всепетую, присно величаем.
Конец Канона.

ПО СВЕТ'ИЛЬНЕ Слава свв. Мучениц, глас 3-й
Блаженны есте, мученицы Христовы Стефанов венец преславный приемша кийждо бо камень, имже телесная ваша храмина разоряшеся во основание пресветлаго чертога полагашеся иже на Небеси вам уготовляшеся в немже ныне блаженно живуща не престайте молити о чтущих вы.



Молитва святой мученице Зинаиде

«О, прехвальная мученице Христова Зинаидо, благонадежная наша пред Господем предстательнице. Тебе припадаем и молимся: даждь нам быть причастником любве твоея к Богу и ближнему, еюже при жизни святая твоя душа преисполнена бысть. Озари нас истинною, просвети ум и сердце светом Божественнаго учения, научи нас тебе подражати верно, Бога и ближнего нашего любити и заповеди Господа совершати непогрешительно, да чада света явимся воистину. Призри благоутробно на всякую душу верных твоих почитателей, милости и помощи твоея ищущих. Буди всем нам в болезнех целительница, в скорбех утешительница, в печалех посетительница, в бедах и нуждах помощница, в час же смертный милостивая покровительница и защитительница и всем вся прошения ко благу исполни. Да при помощи молитв твоих даждь нам спасение вечное получити и Царствие Христово унаследовати, славяще дивнаго во святых своих Бога Отца и Сына и Святаго Духа во веки веков. Аминь.»


Житие святых мучениц Зинаиды и Филониллы.


24 октября (11 октября по церковному календарю- старый стиль.) Святые сёстры Зинаида и Филонилла родились в городе Тарсе Киликийской области Малой Азии (ныне Турция). Согласно преданию они приходились родственницами апостола Павла. Видя большие перемены в жизни своего дяди апостола Павла, ранее бывшего большим противником христиан и гонителем церкви Божьей и носившего имя Савл, но после обратившегося ко Христу и ставшего проповедником веры Христовой, юные девы задумались о суете мира сего и наученые святым Павлом, всей душой восхотели Христу единому работати. Избрав единое на потребу души своей Зинаида и Филонилла наученые и утверждённые в вере Христовой, пошли по городам и сёлам, проповедуя Еванглие и безсребно врачуя всякий недуг и язву в людях. Оставив свою мать и отказавшиь от своего имущества, девы совершали истинно апостольское дело. Имея в сердце своем словеса Давида пророка «се что добро или что красно,но еже жити братии в Купе», Зинаида с сестрою своей решили поселиться в вертепе около города Демитриады1 на севере от Тарса. Там девы проводили равноангельское житие. Зинаида врачевала всевозможные недуги, а Филонилла, предавшись посту и бдениям, совершала великие чудеса. Но Богу угодно было что-бы эти жемчужины не были скрыты от людей, нуждавшихся в их помощи и служении. Ища исцеления всё больше и больше людей приходило к пещере святых дев. Исцеляя безмездно болезни телесные,святые сёстры лечили и душевные язвы в людях, наставляя их в Христианской вере. Видя столь великую благодать в девах христиане укреплялись,а многие язычники обретали веру в Христа и крестились. Не известно, как долго святые Зинаида и Филонилла так подвизались в Демитриаде .Но окрест живущие язычники озлобились, так как в результате проповеди и чудес совершаемых девами их идольские капища опустевали и бесам поклонение умалялось. Уговоры и угрозы язычников не имели никакого влияния на святых дев и тогда осверепев они ночью вошли в вертеп и тела их каменьями до успения смертного побиша, души их в селения райския вселишася.Так приняли мученическую смерть святые девы Зинаида и Филонилла. Святым мученицам Зинаиде и Филонилле молятся об исцелении всякой немощи душевной и телесной.
________________________________________________
1 Деметриада – город Киликийский, на севере от Тарса, получивший свое название от греческой языческой богини Деметры, считавшейся покровительницей растительного мира, хлеба, земледелия и плодородия.